Transcription
1
Monsegneur, la suspension darmes publiée de pardeça
2
et la lettre quil vous a pleu mescrire de Vallence du unziesme
3
du present, mont faict differer lexequution que j’avois preparée
4
contre ceux de Mollines suivant voz commandementz, et
5
m’en reserverey jusques à ce quil vous aye pleu me faire plus
6
amplement entendu votre intention et bone voulonté pour
7
laquelle exequuter en cela ou ailleurs je ne espargerey
8
ne ma vie, ne mon bien. Vous entendrez par monsieur
9
le consellier Emé comme lesdits de Mollines durant ladite
10
suspension ont saisi leur eglise et comment ilz la fortiffient
11
avec quelques estrangiers en sperance quilz seront secouruz
12
de leurs circonvoisins d’Angrogne et aultres vallées,
13[barré : mesme ] de Pragela et de Sainct Martin, ainsi que jay esté
14
adverti de deux ou trois coustez et mesmes par deux
15
lettres de monsieur de Birague, comme sil vous plaict
16
pourrez veoir par les double de la siene dernière que
17
jay laissé audit sieur consellier, quest seullement pour
18
vous advertir quil y faudra aller en bon ordre et bien
19
acompagnez sans faire estat des forces des comunes,
20
car pour ung mal en pourroit venir deux, comme trop
21
mieux scavez. Surquoy quant je pourrey estre bon
22
à y servir, ou en aultres endroict, serey tousiours prest
23
à y employer tout pour hobéir à voz commandementz et
24
daussy bon cueur que je prie le Createur
25
monsegneur vous donner en bone santé très longue et
26
très heureuse vie. De Brianson, ce XXIIIIe janvier 1574.
27
Votre très humble et
28
très hobeyssant serviteur
29
La casette.